Қазақстан әйелдер құрамасы Азия кубогін жүлдесіз аяқтады

Филиппинде өтіп жатқан әйелдер арасындағы волейболдан Азия кубогінде Қазақстан құрамасы қола медаль үшін матчта Вьетнамға есе жіберді.

Кездесудің алғашқы ұпайларынан-ақ вьетнамдық волейболшылардың жеңіске деген жігері мен қарқыны жоғары екені байқалды. Ал қазақстандық спортшылар шаршаңқы көрініп, қарсыласына лайықты қарсылық көрсете алмады.

Нәтижесінде Қазақстан құрамасы қола жүлде үшін өткен ойында жеңіліп, турнирді медальсыз аяқтады.

Айта кетейік, әйелдер арасындағы Азия кубогі 6–14 маусым аралығында Филиппинде өтті.

Біздің серіктес: Olimpbet қосымшасын пайдалан