Қазақстандық шахматшылар Өзбекстанды ұтып, әлем чемпионатын сәтті бастады

Қазақстандық Kazchess командасы рапидтен өтіп жатқан командалық әлем чемпионатының алғашқы турында Өзбекстан құрамасын 3,5:2,5 есебімен жеңді.

Бұл жеңістің маңызы зор. Себебі қарсылас сапында әлем чемпиондығына үміткерлер турнирінің 2026 жылғы жеңімпазы өзбекстандық Жавохир Синдаров ойнады.

Kazchess құрамында Бибісара Асаубаева, Қазыбек Нөгербек, Меруерт Қамалиденова және басқа да қазақстандық шахматшылармен қатар әлемдік деңгейдегі гроссмейстерлер өнер көрсетіп жатыр.

Қазақстан атынан жарысқа тағы бір команда – Barys.kz қатысуда. Ал командалық әлем чемпионаты 17-19 маусым аралығында өтеді.

Біздің серіктес: Olimpbet қосымшасын пайдалан