Закир Найманбаевтың келесі қарсыласы белгілі болды

Power Slap ұйымы қазақстандық ауыр салмақтағы спортшы Закир Найманбаевтың келесі кездесуін ресми түрде жариялады.

30 шілдеде Сербияның Белград қаласында өтетін турнирде Найманбаев канадалық Райан Кенниге қарсы шығады.

Қазіргі таңда Закир Найманбаев Power Slap ауыр салмақ рейтингінде екінші орында тұр. Ал оның қарсыласы Райан Кенни әзірге үздік ондыққа енбеген.

Қазақстандық спортшы соңғы жекпе-жегін наурыз айында өткізіп, америкалық Уэсли Менаны төрешілердің бірауыздан қабылдаған шешімімен жеңген болатын. Ал Кенни соңғы рет былтыр қазан айында өнер көрсетіп, америкалық Брайс Джонсты екінші раундта нокаутпен жеңген.

Біздің серіктес: Olimpbet қосымшасын пайдалан