Қазақстандық мергендер әлем кубогы кезеңінде финалға шықты

Италияның Лонато-дель-Гарда қаласында стенд атудан әлем кубогының кезеңі жалғасуда.

«Скит» бағдарламасы бойынша іріктеу кезеңінің қорытындысында қазақстандық Александр Мұхамедиев пен Әсем Орынбай финалға жолдама алды. Шешуші кезеңде Әсем Орынбай жетінші орынға ие болса, Александр Мұхамедиев жарысты сегізінші нәтижемен аяқтады.

Ерлер құрамасындағы өзге спортшылар іріктеу кезеңінен аса алмады. Артем Седельников 73-орынға, Илья Пеньков 119-орынға, ал Ратмир Еникеев 149-орынға тұрақтады.

Әйелдер арасында Лидия Башарова 33-орын, Әдел Садақбаева 53-орын, Зоя Пискун 68-орын және Ольга Хайлова 70-орын иеленді.

Айта кетейік, әлем кубогының бұл кезеңі 13 шілдеде аяқталады.

Біздің серіктес: Olimpbet қосымшасын пайдалан