Қазақстандық семсерлесу шеберлері Гонконгтағы әлем чемпионатының плей-офф кезеңіне шықты

​Қытайдың Гонконг қаласында өтіп жатқан семсерлесуден әлем чемпионатында ерлер арасында қылыш және әйелдер арасында рапира бойынша жекелей сынның іріктеуі аяқталды, деп хабарлайды Sport12.kz.

​Қылыштасудан Қазақстан командасының спортшысы Назарбай Саттархан, Қуаныш Эргашбай мен Артём Саркисян 1/64 кезеңінен сәтті өтіп, жарыстың плей-офф сатысына жолдама алды.

Олар 1/64 айналымға шығу үшін болған жекпе-жекте:

Назарбай Саттархан канадалық Эндрю Вейді жеңді. Есеп: 15:11;

Қуаныш Эргашбай Аргентина өкілі Марко Трухмановтан басым түсті. Есеп: 15:11;

Артём Саркисян тартысты кездесуде тағы бір отандасымыз Нұрмұхаммед Жайлыбайды бір шаншу айырмашылығымен ұтты. Есеп: 15:14.

Қазақстан құрамасының рапирашылары арасынан 1/64 кезеңге София Актаева өтті. 19 жастағы спортшы ұлыбританиялық Кэйти Кастильо-Бернаусты сенімді түрде жеңді (15:8).

Eртең әлем чемпионатында ерлер арасында рапира және әйелдер арасында семсерлесу бойынша жүлдегерлер анықталады. Қазақстан атынан жарыс жолына Ирина Бакалдина мен София Николайчук шығады.

Біздің серіктес: Olimpbet қосымшасын пайдалан