Қазақстандық семсерлесуші әлем чемпионатының 1/8 финалына шықты

Гонконгте өтіп жатқан семсерлесуден әлем чемпионатында қазақстандық шпагашы Кирилл Проходов жарыстың 1/8 финалына жолдама алды.

1/16 финалда отандасымыз Дания өкілі Конрад Констадты 15:9 есебімен сенімді жеңіп, үздік 16 спортшының қатарына енді.

Ал Қазақстан құрамасының тағы бір өкілі Руслан Курбанов 1/32 финалда Жапонияның Азия ойындарының чемпионы Риу Мацумотомен кездесті. Тартысты өткен бәсекеде жеңімпаз қосымша уақытта анықталып, қазақстандық семсерлесуші 9:10 есебімен жол берді.

Енді Кирилл Проходов ширек финал жолдамасы үшін сынға түседі. Оның келесі жекпе-жегі Қазақстан уақытымен 12:05-те басталады.

Біздің серіктес: Olimpbet қосымшасын пайдалан