Астанада III Болашақ ойындарының ашылу салтанаты өтті

Астанадағы «Барыс Арена» мұз сарайында III Болашақ ойындарының салтанатты ашылу рәсімі өтті.

29 шілде мен 9 тамыз аралығында елордада өтетін халықаралық жарысқа әлемнің 35 елінен 800-ден астам спортшы қатысады. Қазақстан құрамасы сегіз спорттық бағыт бойынша 11 командамен өнер көрсетеді.

Ашылу салтанатына Мемлекет басшысы Қасым-Жомарт Тоқаевпен бірге Тәжікстан Президенті Эмомали Рахмон, Өзбекстан Президенті Шавкат Мирзиёев және Қырғызстан Президенті Садыр Жапаров қатысты.

Президент Қасым-Жомарт Тоқаев өз сөзінде жастардың елдің келешегін қалыптастырудағы орны ерекше екенін атап өтті.

Оның айтуынша, білімді, еңбекқор әрі мақсатшыл жас буын мемлекет болашағының берік негізін қалайды. Сонымен қатар, ортақ мақсат жолында сенімді серіктердің болуы кез келген қиындықты еңсеруге көмектесетінін айтты.

Біздің серіктес: Olimpbet қосымшасын пайдалан