Ене мен келін алтынға таласты: Дәстүрлі садақ атудан Қазақстан кубогы өтті

Қарағандыда дәстүрлі садақ атудан ересектер арасында Қазақстан кубогы өтті. Бәсекеге еліміздің 16 облысы мен үш қаласынан 200-ден астам мерген қатысты.

Садақшылар төрт нысана бойынша сынға түсті. Олар – пута (70/60 м), қалқан (50 м), Орта Азия (40 м) және жамбы (30 м).

Командалық есепте Алматы құрамасы төрт алтынмен жеңімпаз атанды. Шығыс Қазақстан облысы екі алтын, төрт күміс алып, екінші орынға жайғасты. Ал Шымкент бір алтын және үш қола медальмен үздік үштікті түйіндеді.

Жарыстың тағы бір ерекшелігі – ерлер арасындағы сынға түскен мерген төрт нысананың барлығында үздік атанды. Осылайша, спортшы төрт жарыстың бәрінде жеңіске жетіп, рекордтық көрсеткішке қол жеткізді.

Әйелдер арасындағы бәсекеде ерекше оқиға тіркелді. Финалда ене мен келін өзара сынға түсті. Тіпті шешуші турда қос мергенге секунд ретінде олардың құдалары көмектесті.

Қазақстан кубогы дәстүрлі садақ атудан елдің әр өңірінен келген үздік мергендердің басын қосты.

Біздің серіктес: Sport12kz