«Болашақ ойындары – 2026» трансляциясын әлем бойынша 453 млн-нан астам адам тамашалады

Астанада өткен «Болашақ ойындары – 2026» халықаралық турнирі әлемнің 150-ден астам елі мен аумағына көрсетілді. 29 шілде мен 9 тамыз аралығында өткен жарыстың тікелей көрсетілімдерін 453 млн-нан астам адам тамашалаған.

Турнирді 289 телеарна мен интернет платформасы көрсетті. Олардың қатарында 56 ресми медиа серіктес және 229 стример болды. Жарыс туралы ақпарат әлемнің 20 тілінде тарады.

Ұйымдастырушылардың есебінше, турнир туралы ақпаратты көруі мүмкін адамдардың жалпы саны 7,68 млрд-қа жеткен. Бұл көрсеткішке жарысты тікелей көргендер ғана емес, турнир туралы ақпарат тараған барлық аудитория кіреді.

Жарыстың әлемнің көптеген елінде көрсетілуі Қазақстанды халықаралық аудиторияға танытуға мүмкіндік берді. Көрермендер жарыстан бөлек, Астананың заманауи ғимараттары мен спорт нысандарын да көрді.

Турнирдің елордада өтуі Қазақстанның туристік мүмкіндіктерін көрсетуге де жол ашты. Астана халықаралық жарыстарды өткізе алатын заманауи қала ретінде шетелдік көрермендердің назарын аударды.

Осылайша, «Болашақ ойындары – 2026» Қазақстанда фиджитал-спортты дамытуға ғана емес, еліміздің спорттық және туристік мүмкіндіктерін әлемге танытуға да ықпал етті.

Біздің серіктес: Sport12kz