Бибісара Асаубаева АҚШ-тағы супертурнирдің үздік бестігіне енді

Қазақстандық шахматшы Бибісара Асаубаева АҚШ-тың Сент-Луис қаласында өтіп жатқан беделді Cairns Cup 2026 турнирінде үздік бестікке кірді.

Төртінші турда блицтен екі дүркін әлем чемпионы ақ фигуралармен Швейцарияның бұрынғы әлем чемпионы Александра Костенюкті жеңді. Партия 23-ші жүрісте швейцариялық шахматшының берілуімен аяқталды.

Бұл Асаубаеваның турнирдегі алғашқы жеңісі болды. Ал алғашқы үш турда ол украиналық Анна Музычукпен, үндістандық Рамешбабу Вайшалимен және америкалық Элис Лимен тең түскен.

Төрт турдан кейін Бибісараның еншісінде 2,5 ұпай бар. Қазақстандық шахматшы турнир кестесінде төртінші орында тұр. Көш бастап тұрған Қытайдың бұрынғы әлем чемпионы Тань Чжунъи 3,5 ұпай жинаған.

Бесінші турда Асаубаева қара фигуралармен үндістандық гроссмейстер Дивья Дешмухқа қарсы ойнайды.

Cairns Cup-2026 турниріне 10 шахматшы қатысуда. Жарыс 19 тамызға дейін жалғасады. Жалпы жүлде қоры — 250 мың доллар.

Біздің серіктес: Sport12kz