Қазақстандық зілтеміршілер Ташкентте үш медальға қол жеткізді

Ташкентте (Өзбекстан) өтіп жатқан ауыр атлетикадан жасөспірімдер арасындағы Азия чемпионатында Қазақстан құрамасы кезекті жарыс күнінде үш медаль иеленді.

95 келіге дейінгі салмақта Нұржан Жұмабай жасөспірімдер арасында чемпион атанды. Ол қос сайыс қорытындысында 354 келі (159+195) нәтиже көрсетті.

Осы салмақта жасөспірімдер арасында өнер көрсеткен Алихан Аскербай 361 келі (163+198) көтеріп, қола медаль жеңіп алды.

Ал жасөспірімдер арасындағы 77 келіден жоғары салмақта Софья Шешукова 232 келі (100+132) нәтижесімен үшінші орынға ие болды.

Осылайша, Қазақстан құрамасы жарыстың кезекті күнінде екі қола және бір алтын медаль жеңіп алды.

Біздің серіктес: Sport12kz