«Астана» велошабандозы «Арктикалық жарыста» үздік ондыққа енді

Норвегияда өтіп жатқан Arctic Race of Norway-2026 көпкүндік веложарысының екінші кезеңі аяқталды.

Жарысқа қатысушылар Бё-и-Вестеролен — Анденес бағыты бойынша 180 шақырым қашықтықты еңсерді.

Кезең жеңімпазы норвегиялық Эрленд Бликре («Uno-X Mobility») атанды. Ол мәреге 3 сағат 56 минут 49 секундта жетті. Екінші орынға британдық Итан Вернон, үшінші орынға италиялық Джованни Лонарди жайғасты.

«XDS Astana Team» сапындағы ең үздік нәтижені Никифорос Арваниту көрсетті. Ол жеңімпазбен бірдей уақытта мәреге жетіп, 8-орын алды.

Команданың басқа шабандоздары:

• Марко Шреттль — 26-орын;
• Гильермо Томас Силва — 27-орын;
• Даррен ван Беккум — 39-орын;
• Артём Фофонов — 52-орын;
• Қазақстандық Антон Кузьмин — 107-орын.

Екі кезеңнің қорытындысы бойынша жалпы есепте Лонарди көш бастап тұр. «XDS Astana Team» өкілі Гильермо Томас Силва 6-орынға көтерілді, көшбасшыдан небәрі 8 секунд қалып келеді.

Біздің серіктес: Sport12kz