Ақмарал Ерекешева әлем чемпионатында үздік бестікке кірді

Көркем гимнастикадан Германияның Франкфурт қаласында өтіп жатқан әлем чемпионатының шешуші күнінде ұршық жаттығуында өнер көрсеткен Ақмарал Ерекешева үздік 5 спортшының қатарына енді, деп хабарлайды Sport12.kz.

Әлемнің үздік 8 спортшының қатарында өнер көрсеткен отандасымыз ұршық сайысында 29.400 ұпайға ие болды.

1. Стилиана Николова (Болгария) - 30.150 ұпай

2. Таисия Онофрийчук (Украина) - 30.050

3. Мария Борисова (бейратап елдің өкілі) - 30.050

4. Рин Кейс (АҚШ) - 29.800

5. Ақмарал Ерекешева (Қазақстан) - 29.400

16 жастағы Ақмарал Ерекешева 2025 жылы жасөспірімдер арасында ел тарихында алғаш болып әлем чемпионы атанған болатын.

Санаулы сәттен кейін жерлесіміз таспа сайысының финалында да жүлдеге таласады.

Франкфуртте ұйымдастырылып жатқан жаһандық доданың жеке жаттығуында жалпы 73 елден 102 спортшы жүлдені сарапқа салды.

Еске салсақ, бұдан бұрын Ақмарал Ерекешева көркем гимнастикадан әлем чемпионатында алтыншы орын алды.

Біздің серіктес: Sport12kz