Шахматшы Бибісара Асаубаева халықаралық жарыста топ жарды

Қазақстандық шахматшы Бибісара Асаубаева Францияның Сен-Тропе қаласында өтіп жатқан WR Women’s Chess Tour 2026 турнирінде чемпион атанды.

Бибісара Асаубаева жарыстың алғашқы күнін 5,5 ұпаймкн, плей-оффқа шықты. Ширек финалда ол Германия өкілі Элизабет Петцті жеңді.

Жартылай финалда қазақстандық шахматшы грузиялық Нино Бациашвилимен ойнап, «Армагеддонда» жеңіске жетті.

Ал финалда Бибісара украиналық Мария Музычукты екі партияда да ұтып, 2:0 есебімен жарыстың жеңімпазы атанды.

Енді жарыс блиц форматында жалғасады. Блиц турнирі 26 тамызда жергілікті уақытпен 15:00-де басталады.

Біздің серіктес: Sport12kz