Қырғызстандағы Көшпенділер ойындарының ашылу салтанатын қайдан көруге болады?

Қазақстандық жанкүйерлер VI Дүниежүзілік көшпенділер ойындарының ашылу рәсімін тікелей эфир арқылы көре алады.

Биыл дүбірлі дода Қырғызстанда ұйымдастырылады. Халықаралық жарыс 31 тамыз бен 6 қыркүйек аралығында өтеді.

Турнирдің ресми ашылу салтанаты 31 тамызға жоспарланған. Қазақстанда оның тікелей трансляциясын Qazsport телеарнасы көрсетеді. Эфир Қазақстан уақытымен сағат 19:00-де басталады.

Жарыстың негізгі бағдарламасы Қырғызстанның Ыстықкөл облысында өтеді. Спортшылар Шолпан-Ата қаласы мен Қырчын шатқалында да өзара мықтыны анықтайды.

Дүниежүзілік көшпенділер ойындарында түрлі мемлекеттердің өкілдері дәстүрлі спорт түрлерінен бақ сынайды. Дода барысында көшпелі халықтардың ұлттық ойындары мен мәдени мұрасы кеңінен таныстырылады.

Айта кетейік, Дүниежүзілік көшпенділер ойындары дәстүрлі спорт түрлерін дәріптеп, көшпелі халықтардың мәдениеті мен салт-дәстүрін насихаттауға бағытталған.

Біздің серіктес: Sport12kz