Мария Бровкова Польшадағы әлем чемпионатында үздік бестіктің қатарында

Бүгін Польшаның Познань қаласында байдарка мен каноэде ескек есуден ересектер арасындағы әлем чемпионатында кезекті жүлделер сарапқа салынды, деп хабарлайды Sport12.kz.

Бұл қатарда Ұлттық құрама өкілдері 2 ақтық сында бақ сынады.

Қазақстан командасының спортшысы Мария Бровкова каноэде 500 метрге жарыста А финалында жарысты. Отандасымыз мұнда қашықтықты 2 минут, 06,33 секунда өтіп, мәреге 5-ші болып жетті. Бас жүлде Канада спортшысының еншісінде. Тұғырдың 2-сатысына Мажарстан, одан кейін Бейтарап атлет В (Беларусь) өкілі көтерілді. Барлығы А финалында 9 елдің ескек есу шебері жүлдеге таласты.

Осыдан кейін Мария Бровкова мен Ульяна Киселёва жұбы бірлесіп, А финалына (каноэ, 200 метр) шықты. Қазақстан спортшылары 43.99 секунд көрсеткішімен 9-сатыдан көрінді.

Бұл бағдарлама жүлдегерлері:

1. Бейтарап атлет В (Беларусь)

2. Өзбекстан

3. Қытай

...

9. Қазақстан

Польшадағы әлем чемпионаты күзде Жапонияның Нагоя қаласында өтетін жазғы Азия ойындарына дайындықтың маңызды бөлігі саналады.

Айта кетейік, Познань қаласындағы чемпионат ертең, 30 тамызда аяқталады. Байдарка, каноэ және параканоэден Қазақстан командасы сапында 21 отандасымыз аттанды. Барлығы жарысқа 79 елден 890 ескек есу шебері қатысып жатыр.

Біздің серіктес: Sport12kz