Бішкекте VI Дүниежүзілік көшпенділер ойындары басталды

Қырғызстан астанасы Бішкекте VI Дүниежүзілік көшпенділер ойындарының ресми ашылу салтанаты өтті, деп хабарлайды Sport12.kz.

Қазақстан Президенті Қасым-Жомарт Тоқаев Бішкекке барып, халықаралық спорт форумының ашылу рәсіміне қатысты.

VI Дүниежүзілік көшпенділер ойындары 31 тамыз бен 6 қыркүйек аралығында өтеді. Жарыстың негізгі бөлігі Ыстықкөл облысында ұйымдастырылады.

Биылғы додаға әлемнің 100-ден астам елінен 3000-ға жуық спортшы қатысып, спорттың 43 түрінен бақ сынайды. Бағдарламаға көшпенді халықтардың дәстүрлі спорт түрлері мен ұлттық жекпе-жектері енгізілген.

Қазақстан атынан жарысқа 150-ден астам спортшы қатысады. Отандастарымыз бағдарламаның барлық 43 спорт түрінде өнер көрсетіп, жүлделі орындар үшін күреседі.

Біздің серіктес: Sport12kz