Көшпенділер ойындарыының алғашқы күнгі нәтижесі қандай?

VI Дүниежүзілік көшпенділер ойындарының: бірінші күннің нәтижесі белгілі болды, деп хабарлайды Sport12.kz.

VI Дүниежүзілік көшпенділер ойындары Қырғыз Республикасында 31 тамыз бен 6 қыркүйек аралығында өтуде. Қазақстан құрамасы жарыс регламентінде бекітілген 42 спорт түрі бойынша 152 спортшы қатысады.

​Жарыстың алғашқы күнінде Қазақстан құрамасы ордо (асық ату), тогуз коргоол (тоғызқұмалақ), кураш, гореш, монгол бох спорт түрлері бойынша бақ сынады.

​Тоғызқұмалақшылар 6 қыркүйекке дейін ойнайды. Ал асықшылардың ақтық ойындары 2 қыркүйекке жоспарланған. Кураш бойынша белдескен Жарылғапов Нұрдәулет ирандық балуаннан жеңілді.

​Монғол бох спортынан Амангелді Ерасыл мен горештен өнер көрсеткен Абдрахманов Мадияр қарсыластарына есе жіберді. Аталған үш күрес бойынша жарыс аяқталды.

​Ертең, 2 қыркүйекте, көкпар, көкбөрі, эр еңиш (аударыспақ), алыш, овари, мангала, тогуз коргоол (тоғызқұмалақ), ат марафоны, ордо, құсбелігік, жамбы ату, дәстүрлі садақ ату, таяқ тарту, арқан тарту, сумо, стронгмэн, омыртқа сындыру бойынша жарыстар өтеді.

Біздің серіктес: Sport12kz