Қазақстанның үш жұбы Азия чемпионатының 1/8 финалына шықты

Қазақстанның үш жұбы жағажай волейболынан Азия чемпионатының 1/8 финалына шықты

Қытайдың Шанло қаласында жағажай волейболынан Азия чемпионатының топтық кезеңі аяқталды. Қазақстанның үш жұбы 1/8 финалға жолдама алды, деп хабарлайды Sport12.kz Olympic.kz-ке сілтеме жасап.

Ерлер арасында Дмитрий Яковлев пен Абдулмажид Мохаммад топтық кезең қорытындысы бойынша тікелей 1/8 финалға өтті. Бұл кезеңде қазақстандықтар австралиялық Томас Ходжес пен Закери Худқа қарсы ойнайды.

Сергей Богату мен Кирилл Гурин жарысты қосымша кезеңнен бастады. Қазақстандық жұп Катар өкілдері Мұса Әлкира мен Мұхаммед Ихабты 2:0 (21:16, 21:15) есебімен жеңіп, 1/8 финалға шықты. Олардың келесі қарсыластары — катарлық Шериф Юнус пен Ахмед Тиджан.

Әйелдер арасында қосымша кезеңде Қазақстанның екі жұбы өзара кездесті. Лаура Қабылбекова мен Мерей Қожахмет Кристина Каримова мен Екатерина Рюхованы 2:0 (21:18, 21:15) есебімен жеңді.

1/8 финалда Қабылбекова мен Қожахмет қытайлық Ян Сюй/Ся Синьи жұбына қарсы ойнайды.

Айта кетейік, 1/8 финал матчтары 4 қыркүйекте өтеді.

Біздің серіктес: Sport12kz