Жағажай волейболынан қазақстандық үш жұп Азия чемпионатын мерзімінен бұрын аяқтады

Қытайдың Шанло қаласында жағажай волейболынан Азия чемпионаты өтіп жатыр.

Қазақстанның үш жұбы 1/8 финалдағы матч өткізіп, жарыс жолынан шығып қалды.

Ерлер арасындағы бәсекеде Дмитрий Яковлев пен Абдулмажид Мохаммад Аустралия жұбы Томас Ходжес пен Бен Худқа қарсы ойнап, 0:2 (10:21, 11:21) есебімен жеңілді.

Сергей Богату мен Кирилл Гурин де келесі кезеңге өте алмады. Олар Қатар құрамасының өкілдері Шериф Юнус пен Ахмед Тиджаннан 0:2 (12:21, 13:21) есебімен ұтылды.

Әйелдер арасында Лаура Қабылбекова мен Мерей Қожахмет Қытай жұбы Янь Сюй мен Ся Синьиге қарсы кездесу өткізіп, 0:2 (13:21, 9:21) есебімен жеңіліс тапты.

Осылайша, Қазақстанның үш жұбы да Азия чемпионатындағы жолын 1/8 финалда аяқтады.

Біздің серіктес: Sport12kz