Қазақстан көкпардан финалда Қырғызстанмен кездеседі

6 қыркүйек, жексенбі күні Бішкекте өтіп жатқан VI Дүниежүзілік көшпенділер ойындарында көкпардан финалдық кездесу өтеді. Алтын медаль үшін Қазақстан мен Қырғызстан құрамалары таласады, деп хабарлайды Sport12.kz.

Қазақстан — Қырғызстан арасындағы финалдық матч Қазақстан уақытымен сағат 10:00-де басталады.

Айта кетейік, Қазақстан құрамасы Дүниежүзілік көшпенділер ойындарының қазіргі чемпионы болғандықтан, алғашқы турда ойын өткізген жоқ. Екінші турда қазақстандықтар Ресей құрамасын 14:1 есебімен жеңді.

Жартылай финалда Қазақстан Венгрияны 9:4 есебімен ұтып, В тобынан бірінші орынмен финалға шықты.

Қазақстан мен Қырғызстан құрамалары көкпардан Дүниежүзілік көшпенділер ойындарының финалында қатарынан үшінші рет кездескелі отыр. Бұған дейінгі екі финалда да Қазақстан жеңіске жеткен — 4:3 және 5:4.

Біздің серіктес: Sport12kz