Көкпар финалында Қазақстан Қырғызстаннан жеңілді

Қазақстан мен Қырғызстан құрамалары Бішкекте өтіп жатқан VI Дүниежүзілік көшпенділер ойындарының көкпардан финалында кездесті, деп хабарлайды Sport12.kz.

20 минуттан екі таймға созылған тартысты матчта алаң иелері 7:2 есебімен жеңіске жетті. Осылайша, Қырғызстан құрамасы алтын медальға ие болса, Қазақстан күміс жүлдені қанағат тұтты.

Айта кетейік, Қазақстан құрамасы бұл додаға қазіргі чемпион мәртебесінде келген еді. Алайда ұлттық құрама титулын қорғай алмады. Турнир барысында қазақстандық көкпаршылар Ресей құрамасын 14:1, Венгрияны 9:4 есебімен жеңген.

Бұған дейін көк бөріден де Қырғызстан Қазақстаннан 12:0 есебімен басым түсіп, алтын медальді иеленген болатын.

VI Дүниежүзілік көшпенділер ойындары 31 тамызда басталып, бүгін, 6 қыркүйекте аяқталады.

Біздің серіктес: Sport12kz