Қазақстан муайтайдан әлем чемпионатында үздік үштікке енді

Қазақстан құрамасы Косовоның Дечани қаласында өткен муайтайдан әлем чемпионатында жалпыкомандалық есепте үшінші орын иеленді.

Әлем чемпионатына 80 елден 600-ге жуық спортшы қатысты. Қазақстан намысын 14 спортшы қорғап, барлығы 14 медаль жеңіп алды. Оның жетеуі – алтын, үшеуі – күміс, төртеуі – қола.

Медаль саны бойынша Вьетнам құрамасы 20 жүлдемен бірінші орынға шықты. Азия елінің қоржынында 9 алтын, 6 күміс және 5 қола медаль бар. Түркия 12 медальмен екінші орынға жайғасты.

Осылайша Қазақстан құрамасы жарысты үздік үштіктің қатарында аяқтады.

Біздің серіктес: Sport12kz