Қазақстан әйелдер құрамасы Азиадада Қытайдан жеңілді

Қазақстан әйелдер волейбол құрамасы Жапонияда өтіп жатқан Азия ойындарының топтық кезеңіндегі соңғы матчта Қытай құрамасына есе жіберіп, В тобында екінші орын алды.

Екі команда да Филиппин құрамасын жеңгеннен кейін ширек финалға шығу мәселесін мерзімінен бұрын шешкен еді. Сондықтан өзара кездесуде топтағы бірінші орын сарапқа салынды.

Алайда атақты Қытай құрамасы Асқар Шалқыбеков шәкірттеріне мүмкіндік бермей, матчты бір сағатқа жетпей 3:0 есебімен аяқтады. Партиялардағы есеп — 25:18, 25:6, 25:14.

Қазақстан құрамасы сапында Полина Уфимцева 7 ұпай жинап, ең нәтижелі ойыншы атанды.

В тобында екінші орын алған Қазақстан құрамасы Азия ойындарының плей-офф кезеңіне жолдама алды. Азиаданың ширек финал матчтары 20 қыркүйекте өтеді.

Қазақстандық волейболшылардың ықтимал қарсыластары қатарында Жапония, Индонезия, Таиланд, Қытай Тайбэйі, Оңтүстік Корея және Вьетнам құрамалары бар.

Біздің серіктес: Sport12kz