Қазақстан әйелдер құрамасы шахмат Олимпиадасында үшінші рет жеңіске жетті

Самарқандта шахматтан 46-шы Олимпиаданың үшінші тур ойындары өтті.

Әйелдер арасындағы бәсекеде Қазақстан құрамасы Словениямен ойнап, 3,5:0,5 есебімен жеңіске жетті.

Бибісара Асаубаева Лаура Унукпен тең ойнады. Ал Алуа Нұрман, Елназ Қалиахмет және Зарина Нұрғалиева өз партияларында жеңіске жетіп, ұлттық құрамаға жалпы есепте басымдық әкелді.

Осылайша, Қазақстан әйелдер құрамасы Олимпиададағы үшінші жеңісіне қол жеткізді.

Ал ерлер арасындағы турда Қазақстан құрамасы Франциядан 0,5:3,5 есебімен жеңілді. Бірінші тақтада Денис Махнёв блицтен 2021 жылғы әлем чемпионы Максим Вашье-Лагравпен тең түсті.

Сауат Нұрғалиев, Алдияр Аңсат және Жандос Ағманов қарсыластарына есе жіберді.

Айта кетейік, бұған дейін Қазақстан ерлер құрамасы Гаити мен Нигерияны жеңген еді.

Біздің серіктес: Sport12kz