Олимпиадада күміс жүлде жеңіп алған шахматшылар елге оралды

Қазақстан әйелдер құрамасы Самарқандта өткен 46-шы Дүниежүзілік шахмат Олимпиадасын екінші орынмен аяқтады.

Павел Коцур жетекшілік ететін команда 11 турдың ешқайсысында жеңілген жоқ. Қазақстандық шахматшылар жеті рет жеңіп, төрт кездесуді тең аяқтап, 18 ұпай жинады. Алтын медальды 20 ұпаймен Қытай құрамасы иеленсе, Үндістан 17 ұпаймен үшінші орын алды.

Қазақстандықтар күміс жүлдені қатарынан екінші рет жеңіп отыр. Бұған дейін 2024 жылы Будапештте өткен Олимпиадада да ұлттық құрама екінші орын алған еді.

Меруерт Камалиденованың айтуынша, Қазақстанның алтынға жете алмауының нақты бір себебін атау қиын. Оның сөзінше, Үндістан және Қытай құрамаларымен тең түскен кездесулерде жеңіске жетуге мүмкіндік болған.

«Үндістанмен ойында жеңісті жетуге мүмкіндік болды. Қытаймен кездесуде де ұтуға мүмкіндігіміз жетті», – деді шахматшы.

Бас бапкер Павел Коцур қазіргі құраманың басты ерекшелігі оның жастығы екенін атап өтті. Командадағы шахматшылардың орташа жасы 19-ға да жетпейді.

Коцурдың сөзінше, құрамадағы ішкі бәсеке де жоғары деңгейде. Ол Самарқандтағы нәтижені команданың тұрақтылығы тұрғысынан ең үздік көрсеткіштердің бірі деп бағалады.

Біздің серіктес: Sport12kz