Президент FIDE басшысы Тимур Турловпен кездесу өткізді

Мемлекет басшысы Қасым-Жомарт Тоқаев Халықаралық шахмат федерациясының (FIDE) президенті Тимур Турловпен кездесті.

Кездесу барысында Президент Тимур Турловты FIDE басшылығына сайлануымен құттықтап, бұл жетістікті Қазақстан мен ұлттық шахмат мектебінің халықаралық деңгейдегі беделінің артуымен байланыстырды.

Қасым-Жомарт Тоқаев шахматтың ел өміріндегі маңызына тоқталды. Оның айтуынша, бұл спорт түрі балалар мен жастардың ойлау қабілетін жетілдіріп, зияткерлік дамуына ықпал етеді.

Соңғы жылдары Қазақстанда шахматқа қызығушылық айтарлықтай өскен. Қазір ел бойынша 278 мыңнан астам адам шахматпен тұрақты түрде айналысады.

Президент Самарқандта өткен Дүниежүзілік шахмат олимпиадасында күміс жүлдеге ие болған Қазақстан әйелдер құрамасының нәтижесін де атап өтті.

Кездесу кезінде Қазақстан шахмат федерациясының алдағы кезеңдегі негізгі міндеттері де сөз болды.

Соңында Мемлекет басшысы Тимур Турловқа FIDE президенті қызметіндегі жұмысына сәттілік тіледі.

Біздің серіктес: Sport12kz