Волейболдан Қазақстан чемпионаты жаңа форматта өтеді

2026/27 жылғы маусымда Қазақстанның Ұлттық волейбол лигасы чемпионатты өткізудің жаңа форматына - «үй - сырт алаң» қағидаты бойынша разъездік жүйеге көшеді, деп хабарлайды Sport12.kz.

​Форматтың өзгеруі отандық клубтық волейболды дамытудың кезекті қадамы болып табылады. Жаңа жүйе чемпионаттың сапасы мен бәсекелестігін арттыруға, клубтық инфрақұрылымды дамытуға және командалар мен жанкүйерлер арасындағы байланысты нығайтуға бағытталған.

​Жаңа жүйеге сәйкес командалар матчтарын өз алаңында да, қарсылас команданың алаңында да өткізеді. Бұл клубтарға өз жанкүйерлерінің алдында тұрақты түрде ойнауға және сонымен қатар сырт алаңдағы кездесулер арқылы толыққанды тәжірибе жинауға мүмкіндік береді.

​Үйдегі ойындар - жанкүйерлерге жақынырақ

«Үй - сырт алаң» жүйесінің басты артықшылықтарының бірі - командалар өздері атынан қатысатын қалаларда көбірек ойын өткізе алады. Үйдегі матч - тек спорттық бәсеке ғана емес. Бұл клубтың өз аудиториясын қалыптастыруға, жанкүйерлер мәдениетін дамытуға, жаңа көрермендерді тартуға және волейбол ойынының айналасында ерекше атмосфера құруға мүмкіндік береді. Жанкүйерлер үшін бұл - сүйікті командасын тікелей аренада көруге және өз алаңында қолдау көрсетуге көбірек мүмкіндік деген сөз.

​Клубтық волейболды дамыту

Жаңа жүйе командалардың кәсіби дамуына да қосымша мүмкіндік береді. Үйдегі және сырт алаңдағы тұрақты ойындар жаттықтырушылар штабына маусымдық дайындықты толыққанды жарыс режимінде жоспарлауға, ал спортшыларға әртүрлі жағдайда көбірек ойын тәжірибесін жинақтауға мүмкіндік береді. Сонымен қатар «үй - сырт алаң» форматы клубтық инфрақұрылымды дамытуға, өңірлердегі матчтарды ұйымдастыру сапасын арттыруға және қабылдаушы тараптың ойын өткізу деңгейіне деген жауапкершілігін күшейтуге ықпал етеді.

Біздің серіктес: Sport12kz