Ұлттық ұлан сарбаздары ушу-саньдадан үш медаль жеңіп алды

Ақтөбе облысында ушу-саньдадан ересектер арасындағы чемпионат өтті. Жарыс қорытындысы бойынша ҚР ІІМ Ұлттық ұланының 6655 әскери бөлімінде қызмет ететін спортшылар үш жүлдеге ие болды.

Облыс біріншілігінде қатардағы жауынгер Саят Серікбай мен ефрейтор Ізгілік Марданов алтын медаль жеңіп алды. Ал қатардағы жауынгер Дархан Жақсыгелді қола жүлдегер атанды.

Ушу-саньда спортында қатысушылар соққы жасау әдістерімен қатар күрес тәсілдерін де қолданады. Жекпе-жектің бұл түрі спортшылардан жоғары дене дайындығы мен жылдам әрекет етуді талап етеді.

Осылайша, Ұлттық ұлан әскери қызметшілері облыстық чемпионатта екі алтын және бір қола медаль иеленді.

Біздің серіктес: Sport12kz