Қазақстандық спортшы допинг дауына байланысты төрт жылға жарыстардан шеттетілді

Қазақстандық курашшы Әбіқайыр Мәуленин допингке қарсы ережелерді бұзғаны үшін төрт жылға жарыстардан шеттетілді. Бұл туралы Халықаралық тестілеу агенттігі (ITA) хабарлады.

Агенттіктің мәліметінше, спортшының допинг сынамасы 2024 жылғы 17 желтоқсанда Өзбекстанның Ташкент қаласында өткен World Series Pro турнирінің финалында алынған. Зертханалық талдау нәтижесінде сынамадан экзогенді тестостерон мен адиолдар анықталған. Бұл заттар Дүниежүзілік допингке қарсы агенттіктің (WADA) тыйым салынған тізіміне кіреді.

ITA шешіміне сәйкес, Мәулениннің дисквалификация мерзімі 2025 жылғы 27 мамырдан 2029 жылғы 26 мамырға дейін созылады. Сонымен қатар оның 2024 жылғы 17 желтоқсаннан бастап көрсеткен нәтижелерінің күші жойылады.

Шешім Халықаралық кураш қауымдастығының (IKA) антидопинг ережелеріндегі 2.1 және 2.2-баптарға сәйкес қабылданған. Спортшы бұл шешімге Спорттық арбитраж сотының (CAS) апелляциялық бөліміне шағымдана алады.

Біздің серіктес: Sport12kz