Софья Самоделкина екі Гран-при кезеңінде өнер көрсетеді

Қазақстандық мәнерлеп сырғанаушы Софья Самоделкина алдағы уақытта Канада мен АҚШ-та өтетін халықаралық жарыстарға қатысады.

30 қазан мен 1 қараша аралығында Келоуна қаласында Skate Canada International турнирі ұйымдастырылады. Ал 11–15 қараша күндері АҚШ-тың Эверетт қаласында Skate America жарысы өтеді. Қазақстандық спортшы екі турнирдің де қатысушылар тізіміне енген.

Биыл Софья Самоделкина қысқы Олимпиада ойындарында Қазақстан намысын қорғады. Сондай-ақ Алматыда өткен Денис Тен мемориалында қола медаль жеңіп алды.

Халықаралық конькишілер одағының қазан айындағы рейтингінде отандасымыз 15-орында тұр. Тізімнің көшін АҚШ өкілі, Олимпиада чемпионы Алиса Лью бастап келеді. Қазақстандық мәнерлеп сырғанаушылар арасында үздік 100 спортшының қатарына енген жалғыз спортшы — Самоделкина.

Өткен жылы ол NHK Trophy Гран-при кезеңінде күміс жүлдеге, ал қысқы Универсиадада қола медальға ие болған.

Біздің серіктес: Sport12kz