Астандағы жүзуден әлем кубогінде үш қазақстандық спортшы ақтық сынға жолдама алды

Астанада өтіп жатқан жүзуден әлем кубогы кезеңінің алғашқы жарыс күнінде Қазақстанның үш өкілі финалға жолдама алды.

Айбат Мырзамұратов екі бағдарламада ақтық сынға қатысады. Ол 50 метрге брасс әдісімен жүзуде 26,57 секунд нәтиже көрсетсе, 200 метрге кешенді жүзуді 1 минут 57,50 секундта аяқтады.

Егор Попов 100 метрге еркін стильде жүзуден 47,82 секунд нәтижесімен финалға өтті.

Ал Софья Сподаренко 50 метрге баттерфляй әдісімен жүзуде 25,97 секунд көрсетіп, Қазақстан рекордын жаңартты. Бұған дейінгі рекорд та оған тиесілі болған. Спортшы 50 метрді 26,06 секундта жүзіп өткен еді.

Астанадағы «Барыс Аренада» өтіп жатқан әлем кубогының алғашқы күніндегі финалдық жарыстар бүгін сағат 18:00-де басталады.

Біздің серіктес: Sport12kz