Қазақстандық жүзушілер Әлем кубогында екі рекорд жаңартты

Астанада жүзуден Әлем кубогының кезеңі жалғасып жатыр. Жарыстың алғашқы күнінде Қазақстан құрамасының өкілдері екі ұлттық рекордты жаңартты, деп хабарлайды Sport12.kz.

Алғашқы жарыс күнінде үш қазақстандық спортшы финалдық жүзуге қатысты.

Егор Попов 100 метрге еркін стильде жүзуден 47,74 секунд нәтиже көрсетіп, оныншы орынға ие болды.

Софья Сподаренко 50 метрге баттерфляй әдісімен жүзуде 26,27 секунд уақытпен тоғызыншы орын алды. Сонымен қатар ол алдын ала кезеңде 25,97 секунд нәтиже көрсетіп, Қазақстан рекордын жаңартты.

Айбат Мырзамұратов 50 метрге брасс әдісімен жүзуде 26,50 секунд уақыт көрсетіп, сегізінші орынға тұрақтады. Бұл қашықтықта қазақстандық спортшы да ұлттық рекордты жаңартты.

Сондай-ақ Айбат 200 метрге кешенді жүзуге қатысып, 1 минут 57,91 секунд нәтиже көрсетті. Бұл сайыста ол оныншы орын алды.

Біздің серіктес: Sport12kz