Глеб Коваленя Қазақстан рекордын тағы жаңартты

Астанада жүзуден Әлем кубогы кезеңінің екінші күніндегі финалдық жарыстар өтті, деп хабарлайды Sport12.kz.

50 метрге еркін жүзу сайысында Глеб Коваленя 21,22 секунд нәтижесімен бесінші орын алды. Ол таңертеңгі іріктеу кезеңінде өзі орнатқан Қазақстан рекордын жаңартты.

100 метрге баттерфляй әдісімен жүзуде Әділбек Мусин 51,32 секунд көрсетіп, жетінші орынға тұрақтады. Осы қашықтықта Максим Сказобцов 51,57 секунд нәтижесімен тоғызыншы болды.

200 метрге брасс әдісімен жүзуде Айбат Мырзамұратов 2 минут 7,34 секунд уақыт көрсетіп, сегізінші орын алды. Ал Егор Попов 100 метрге кешенді жүзуде 54,68 секунд нәтижесімен тоғызыншы сатыға жайғасты.

Әйелдер арасында Софья Сподаренко 100 метрге баттерфляй әдісімен жүзуді 59,66 секундта аяқтап, оныншы орынға ие болды.

Біздің серіктес: Sport12kz