Қазақстан баскетбол құрамасына техникалық жеңіліс жазылды

Баскетболдан Қазақстан құрамасы Азия кубогындағы кезекті ойынын Тегеран қаласында Иранға қарсы өткізу қажет еді. Алайда бұл ойынға қатысу қауіпсіз емес деген шешімге келді. 

Бұл жөнінде Қазақстан баскетбол федерациясы ресми түрде мәлімдеме жасады.  

«Құрметті жанкүйерлер мен баскетбол сүйер қауым! Кеше біздің ұлттық құрамамыз 2025 жылғы Азия кубогына іріктеу аясында Иран командасымен Тегеран қаласында (Иран) матч өткізуі тиіс болатын. Алайда, Сыртқы істер министрлігі мен Мәдениет және спорт министрлігінің ұсыныстарына сәйкес, бұл ойынға қатысу қауіпсіз емес деп танылды. Қазақстан баскетбол федерациясы FIBA мен FIBA Asia-ға ойынның уақытын ауыстыру туралы өтініш білдірді. Алайда, FIBA біздің командамызға техникалық жеңіліс беру туралы шешім қабылдады.

Біз әрдайым ойыншыларымыз бен бапкерлеріміздің денсаулығы мен қауіпсіздігін бірінші орынға қоямыз — бұл біздің басты басымдығымыз.

Бүгін біздің құрама келесі матчқа, Үндістан командасына қарсы ойнау үшін, сапарға аттанады. Алда бізді жаңа сынақтар мен жеңістер күтіп тұр», - деп мәлім етті федерациядан. 

Біздің серіктес: Sport12kz