Павлодарда шаңғышы боранда адасып кетті

22 қаңтар күні Павлодар тас жолы маңында шаңғымен серуендеуге шыққан ер адам боранның салдарынан орманда адасып кеткен. Бұл туралы полицияға оның әйелі хабарлады.

Жұбайының айтуынша, кенеттен басталған боран ер адамның бағдарынан жаңылуына себеп болған. Ол орманда адасып, өз бетінше жолды игере алмаған. Оған қоса байланыс желісіде үзіліп кеткен екен.

Шұғыл қоңырау түскеннен кейін, құтқарушы қызметкерлер оқиға орнына дереу жетті. Ауа райының қолайсыздығына қарамастан, олар іздеу жұмыстарын бастап кеткен. Қалың боран мен күрделі жол кедергілеріне төтеп берген полицейлер, 10 шақырымнан аса жолды жүріп өтіп, қар үстіндегі шаңғы іздерін байқады. Осы іздерді бағытқа ала отырып, олар адасқан азаматты тауып алды.

Табылған ер адамның жағдайы қанағаттанарлық болып шықты, медициналық көмек қажет болмады. Өз кезегінде жоғалған жігіт өзін құтқарған полицейлерге шынайы алғысын білдірді.

Біздің серіктес: 200 000 фрибетті ұтысқа саламыз – арнаға жазыл және батырманы бас