15.03.2025
Астанада шахматтан «Senat Open» II Ашық кубогы өтеді
Фото: egemen.kz
2025 жылғы 16 наурызда Астанадағы Конгресс орталығының ғимаратында сағат 10.00-18.00 аралығында «Senat Open» II Ашық кубогының іріктеу туры өтеді.
Бұл жөнінде Қазақстан шахмат федерациясы мәлім етті.
Турнирге Эло рейтингі 2000-ға дейінгі шахматшылар қатысады, ал үздік 35 ойыншы бес жартылай финалдың бірінде елорданың намысын қорғайды.
Сағат 12.00-де дәл сол жерде Қазақстанның екі дүркін чемпионы (2021, 2022), 2023 жылғы Командалық әлем чемпионатының және 2024 жылғы Шахмат олимпиадасының күміс жүлдегері, әйелдер арасындағы гроссмейстер Меруерт Камалиденова әлеуметтік осал топтарға жататын отбасылардың балаларына арнап 13 тақтада бір мезгілдегі ойын сеансын өткізеді.
