Юлия Путинцева Ұлыбританияда сенсациялық жеңіліске ұшырады

Қазақстанның екінші ракеткасы Юлия Путинцева Ұлыбритания астанасы Лондонда өтіп жатқан HSBC Championships WTA 500 турнирінің алғашқы айналымынан әрі аса алмады, деп хабарлайды Sport12.kz.

Жарыстың 1/16 финалында Юлия (WTA: 24) жергілікті Хитер Уотсонға (WTA: 164) жол берді.

Шөптегі кортта өткен кездесу 1 сағат 21 минутқа созылды. Осы аралықта Юлия 3 эйс пен 2 брейк жасап, қос қателікке мүлде бой алдырмады. Алайда, матч нәтижесінде отандасымыз қарсыласына 0:2 (4:6, 3;6) есебімен есе жіберді.

Осыған дейін Путинцева Франция астанасы Парижде өткен «Ролан Гаррос» турнирінің 1/16 финалында ресейлік Мирра Андрееваға (WTA: 6) жеңілген еді

Айта кетейік, 15 маусымға дейін жалғасатын дүбірлі доданың жалпы жүлде қоры 1 415 000 долларды құрайды.

Біздің серіктес: Olimpbet қосымшасын пайдалан