11.06.2025
Анна Данилина WTA жұптық рейтингінде 8 саты жоғарылады
Фото: Robert Prange/Getty Images
Анна Данилина WTA жұптық рейтингінде 8 саты жоғарылап, 9-орынға шықты, деп хабарлайды Sport12.kz.
Бұл - оның мансабындағы ең үздік нәтиже.
Анна Данилина Франция астанасы Париж қаласында өткен «Ролан Гаррос» турнирінде жұптық сында екінші орын алды. Сербиялық Александра Круничпен бірге ойнаған Анна Данилина жарыстың шешуші кездесуінде италиялық теннисшілерден құралған Сара Эррани / Жасмин Паолини командасына 1:2 (4:6, 6:2, 1:6) есебімен есе жіберді.
Сондай-ақ ол биыл Испания астанасы Мадрид қаласында өткен Mutua Madrid Open WTA 1000 турниріне қатысты.
