12.06.2025
Елена Рыбакина мен Юлия Путинцева жұбы Лондондағы турнирді жеңіспен бастады
Наурызбай Қанатұлы
Фото: Getty Images
Қазақстандық теннисшілер Елена Рыбакина мен Юлия Путинцева Лондонда өтіп жатқан WTA 500 санатындағы турнирдің жұптық сынында сәтті өнер көрсетуде, деп хабарлайды Sport12.kz.
Шөп жабындысында өтіп жатқан бұл жарыстың алғашқы айналымында отандастарымыз испаниялық Кристина Букша мен бразилиялық Беатрис Хаддад Майя дуэтін 6:3, 5:7, 10:6 есебімен тізе бүктірді. Кездесу 1 сағат 28 минутқа созылды.
Ширек финалда Рыбакина мен Путинцева маусымдағы ең мықты жұптардың бірі саналатын нидерландылық Деми Схюрс пен америкалық Эйжа Мухаммад дуэтімен кездеседі.
