WTA 1000: Римде басты теннисшілер додаға түседі

Еуропадағы соңғы топырақ корттағы «мыңдық» турнирі басты жұлдыздар қатысатын қызықты дода болатынына уәде береді.

WTA 1000 категориясындағы Рим турнирінің ұйымдастырушылары алдағы жарысқа қатысатын теннисшілер тізімін жариялады. Оған әлемнің үздік теннисшілері кірген.

Олардың ішінде әлемнің екінші ракеткасы Елена Рыбакина бар.

Италия астанасында өтетін беделді топырақ корттағы турнир 5 мамырдан 17 мамырға дейін жалғасады. Ресми ақпаратқа сәйкес, қатысушылар тізіміне әлемдік рейтингтегі алғашқы жиырмалыққа кіретін барлық спортшылар енгізілген. Олардың қатарында Арина Соболенко, Кори Гауфф, Жасмин Паолини, Аманда Анисимова, Мирра Андреева және тағы басқа үздік ойыншылар бар.

Қазіргі чемпион итальяндық Жасмин Паолини, ол өткен жылы финалда Гауффтан басым түскен еді. Рыбакина болса, 2023 жылы Рим турнирінде жеңіске жеткен.

Internazionali BNL d’Italia деп аталатын бұл турнир топырақ корттағы маусымдағы соңғы ірі жарыс болып саналады.

Сонымен қатар, Бейбіт Жұқаев Мехико челленджерінде сәтті бастама жасады.

Біздің серіктес: Olimpbet қосымшасын пайдалан