Рыбакина жартылай финал жолдамасына таласады

Қазақстанның бірінші ракеткасы Елена Рыбакина (WTA рейтингінде 2-орын) Германияның Штутгарт қаласында өтіп жатқан турнирдің ширек финалында өнер көрсетеді.

Қазақстандық теннисшінің қарсыласы — канадалық Лейла Фернандес (25-орын). Кездесу Қазақстан уақытымен 21:30-да басталады.

Осыған дейін Рыбакина ресейлік Диана Шнайдерді жеңсе, Фернандес филиппиндік Александра Эала мен түркиялық Зейнеп Сёнмезден басым түсті.

Айта кетейік, Штутгарттағы турнир 13–19 сәуір аралығында өтуде. Жарыстың жүлде қоры 1 049 083 еуроны құрайды. Жеңімпаз 161 310 еуро мен 500 рейтингтік ұпайға ие болады.

Өткен жылы бұл турнирде латвиялық Елена Остапенко топ жарса, 2024 жылы чемпион атанған теннисші — Елена Рыбакина.

Біздің серіктес: Olimpbet қосымшасын пайдалан