Қазақстан үстел теннисінен әлем чемпионатын жеңіспен бастады

Лондон қаласында үстел теннисінен командалық әлем чемпионаты басталды. Жарыстың алғашқы күнінде Қазақстан құрамалары өз матчтарын өткізді.

Ерлер құрамасы алғашқы ойында Түркияны 3:1 есебімен жеңіп, жарысты сәтті бастады. Кездесу барысында Кирилл Герасименко мен Айдос Кенжеғұлов маңызды жеңістер әкелді.

Ал әйелдер құрамасы Бразилияға 1:3 есебімен есе жіберді. Дегенмен Зәуреш Ақашева қарсыласы Джулия Такахашиді 3:2 есебімен жеңіп, жалғыз ұпай сыйлады.

Ерлер құрамасы келесі кездесуін бүгін Египетке қарсы өткізеді. Ойын Астана уақытымен 23:30-да басталады.

Әйелдер командасы да бүгін Монголиямен кездеседі. Матч 21:00-де басталады.

Біздің серіктес: Olimpbet қосымшасын пайдалан