Қазақстандық теннисшілердің ATP рейтингіндегі орны белгілі болды

Александр Бублик Мадридтегі турнир қорытындысынан кейін ATP рейтингінің алғашқы ондығына қайта ене алмады.

Қазақстанның бірінші ракеткасы қазіргі таңда 11-орында тұр. Оның еншісінде 3 445 ұпай бар. Бублик ондыққа кіретін Даниил Медведевтен 115 ұпайға қалып отыр.

Әлемдік рейтингте көш басында италиялық Янник Синнер тұр, одан кейін Карлос Алькарас пен Александр Зверев орналасқан.

Қазақстанның басқа теннисшілеріне келсек, Александр Шевченко 82-орынға түсті. Тимофей Скатов 188-орынға көтерілсе, Михаил Кукушкин 281-орында тұр.

Сондай-ақ Бейбіт Жукаев 297-орында, Денис Евсеев 440-орында, Дмитрий Попко 618-орында, Әмір Омарханов 621-орында, ал Григорий Ломакин 946-орында орналасқан.

Біздің серіктес: Olimpbet қосымшасын пайдалан