Қазақстандық теннисші жұптық сында жеңіске жетті

Қазақстандық теннисші Григорий Ломакин пәкістандық Мұзаммил Муртазамен бірге Исламабадта өтіп жатқан ITF M15 турнирінің жұптық сынында сәтті өнер көрсетуде.

1/8 финалда Ломакин мен Муртаза Яссин Смиидж — Владислав Тарасевич жұбын 6:4, 3:6, 10:8 есебімен жеңді.

Енді қазақстандық-пәкістандық дуэт ширек финалда франциялық Карл Холдер мен германиялық Стеван Поповичке қарсы ойнайды.

Сонымен қатар, Ломакин жекелей сында да жарысты жалғастырып жатыр. Екінші айналымда ол Владислав Тарасевичпен кездеседі. Алғашқы матчында қазақстандық теннисші ресейлік Андрей Куницынды 7:6 (7:5), 6:2 есебімен жеңген болатын.

Біздің серіктес: Olimpbet қосымшасын пайдалан