Рыбакина Рим турниріндегі екінші матчын өткізеді

10 мамыр күні қазақстандық теннисші Елена Рыбакина Римде өтіп жатқан WTA 1000 турнирінің үшінші айналымында филиппиндік Александра Эаламен кездеседі.

Матч Қазақстан уақытымен 14:00-де басталады және тікелей эфирде көрсетіледі. Бұл кездесуде Елена Рыбакина басты үміткер саналады.

Еске салайық, Қазақстанның бірінші ракеткасы турнирді екінші айналымнан бастап, грек теннисшісі Мария Саккариді 6:4, 6:1 есебімен сенімді жеңген болатын.

Ал Александра Эала Римдегі жарыста екі матч өткізіп үлгерді. Алдымен ол польшалық Магдалена Френхті жеңсе, кейін қытайлық Ван Синьюйден басым түсті.

Айта кетейік, Елена Рыбакина турнирдің басты фавориттерінің бірі саналады және жарыста екінші нөмірмен тіркелген.

Біздің серіктес: Olimpbet қосымшасын пайдалан