Қазақстандық теннисші Өзбекстанда алтын медаль жеңіп алды

Қазақстан құрамасының өкілі Жәния Бекмұхамбетова Ташкентте (Өзбекстан) өткен WTT Youth Contender халықаралық турнирінде топ жарды.

Қазақстандық спортшы U-13 жас санатында алтын медаль жеңіп алып, жарыстың үздігі атанды.

Турнир барысында Бекмұхамбетова алты матч өткізіп, барлығында жеңіске жетті. Финалда ол өзбекстандық Ясмина Назарованы 3:0 (11:7, 11:3, 11:7) есебімен сенімді түрде ұтты.

Айта кетейік, Жәния Бекмұхамбетова әлемдік рейтингте жетінші орында тұр.

Біздің серіктес: Olimpbet қосымшасын пайдалан