Қазақстандық теннисші Бангкоктағы жарыста үздік үштікке енді

Қазақстан құрамасы Таиландтың Бангкок қаласында өткен WTT Youth Contender халықаралық үстел теннисі турнирінде жүлдеге қол жеткізді.

U-13 жас санатында қазақстандық Жания Бекмұхамбетова үздік үштікке еніп, қола медаль иеленді.

Жарыс барысында отандасымыз Таиланд өкілі Фаннапат Чингсоньоенді, Сингапур спортшылары Чен Этель мен Мао Хлоюды 3:0 есебімен жеңді. Сондай-ақ Жапония теннисшісі Асахи Кавагучиді тартысты кездесуде 3:2 есебімен ұтты.

Алайда жартылай финалда малайзиялық Анг Чжи Юйге 1:3 есебімен есе жіберіп, турнирдің қола жүлдегері атанды.

Айта кетейік, бұған дейін Жания Бекмұхамбетова Ташкентте (Өзбекстан) өткен WTT Youth Contender турнирінде чемпион атанған еді.

Біздің серіктес: Olimpbet қосымшасын пайдалан