Елена Рыбакина жүлдеқоры 1,9 миллион турнирдің ширек финалына шықты

Қазақстанның бірінші ракеткасы Елена Рыбакина Лондонда өтіп жатқан WTA Queen’s Club Championships турнирінің ширек финалына жолдама алды.

Отандасымыз 1/8 финалда германиялық теннисші Татьяна Марияны жеңіп, жарыстың келесі кезеңіне өтті.

Кездесудің алғашқы сетінде Рыбакина тай-брейкте қарсыласына есе жібергенімен, кейін ойын тізгінін өз қолына алды. Екінші партияда есепті теңестірген қазақстандық теннисші шешуші сетте толық басымдық танытып, қарсыласына бірде-бір гейм бермеді – 6:0.

Осылайша, Елена Рыбакина Queen’s Club Championships турнирінің ширек финалына шықты.

Айта кетейік, жарыстың жалпы жүлде қоры 1 915 000 долларды құрайды. Ал турнир жеңімпазы 294 445 доллар сыйақы мен 500 рейтингтік ұпайға ие болады.

Біздің серіктес: Olimpbet қосымшасын пайдалан