Бублик бапкерінің ерекше дәстүрімен бөлісті

Қазақстанның бірінші ракеткасы Александр Бублик өзінің татуировкалары және бапкері Артем Супруновтың ерекше дәстүрі туралы айтты.

Теннисшінің сөзінше, әрбір жеңіп алған титулынан кейін оның бапкері жаңа татуировка жасатады.

«Менің сүйікті татуировкам жоқ. Денемде көп татуировка бар, бірақ олар туралы айтқанды ұнатпаймын. Ал бапкерім мен жеңіп алған әрбір титулдың құрметіне жаңа татуировка жасатады. Мен әлемдік рейтингтің үздік ондығына кіргеннен кейін де ол арнайы тату салдырды. Ол жай ғана “ондық” саны», – деді Бублик.

Айта кетейік, Артем Супрунов қазақстандық теннисшінің ұзақ жылдан бергі бапкері саналады.

Александр Бублик мансабында ITF және ATP турнирлерінде жекелей және жұптық сында жалпы 14 титул жеңіп алған. Қазіргі уақытта қазақстандық теннисші ATP рейтингінде 11-орында тұр.

Біздің серіктес: Olimpbet қосымшасын пайдалан